Gichi Zaaga’iganan Mamow Andogikenjigewi Anokiiwin
Aanii! She:kon! Welcome! Bienvenue!
O’owe GRASAC Gikendamaawi Maadinawewin Dazhinjigan (GKS)
GKS aniizhi’bagidinigaadewan biiwabikong 5,000 Gichi Zaaga’iganan inaadiziwining gaa’onji dibendaagwakin gegoonan, baatiin onjiiwan dedibaakamik gete’ganawenjigegamigoon, gaye 17,000 Anishnaabemowin gaye Cayuga ikidowinan. O’omaa GKS andonawawag e’wiikiiwe miinindwaa inawemaganag ga’anishinabewiwaad gaye dazhiikewinan. O’omaa GRASAC gii’babaamiziwaad o’baminanaawaa gaye o’wiidokaanawaa GKS gegoonan.
O’owe GKS bimi ozhisijigaade. Megwaa noongom Zhaaganaashiimowining eta aabadan, bamaa wedi ani’niigaan dani’achigaade’wan ji’waabanjigaadegin gaye bebakaan izhigiizhwewinan, dabishiko Anishinaabemowin, Cayuga Izhigiizhwewin, gaye Baakwaa’ishiimowin. Miigwech gi’zhiibendamowin gii’bimi miinwachigaadeg GKS gaye ji’wendak ji’wabanjigaadeg.
Aaniin ezhi’bezhigwegiseg o’owe GKS?
Besho i’imaa Gichi Zaaga’iganan, inaadiziiwining gaa’gii onjiigin gegoonan gagii wiindegin o’omaa GKS inenjigaadewan dabishko Inawemaganag, anigoobidaaganag gemaa mishoosisag, gokomisag. Batiinadoon enisidawinnamowaad e’pibaadakin gaye o’dabajitonawaa, o’kichiinaabajitonawaa odanaag gaye noongom gii’inawendiwaad gaye Anishinaabeg.
Bakaan gewiinawaa odishinikaadanawaa zhaaganaashiiwigamigoon gii’mawandonamowaad gi’dinawemaganaan, ogii’izhinikadaanawaa “abajidaaganan”, “ando’gikenjiganan”, “gegoonan”, “mazinaakizigaadewaan” gemaa “ gaa’gii mazinaakizigaadegin”. Ono ikidowinan gaawiin wiinjigaadesiin e’pimi wiidaadiziindamowaad oko Inawemaganag. GRASAC odanokaadaan ji’maadinawenaniwang ganawenjigewigamigong gii’ategin wiindamaagewinan o’omaa ineke GKS, gaye jiizhi gikinawaajichigadekin e’kichiinendaagwakin anishinaabekaang e’onjiigin.
