Dę’ ni:yoht a:gehs ne:’ GKS??

Ęgaseya’di̱hsa:k Ǫdęno̱hksǫ’

GKS ǫgwaihwayędei:’ ne:’ 5,000 ǫgwadęnǫksǫ’ Ganyadowanęhneh nithone:nǫ:. Ne:’ Gahswęta’ sęh nyo:we’ edi’tronya’ta’ ga’ho:we:s, GKS dęjagwahsǫdrę ǫdęno̱hksǫ’ hęgyeh gaę gwa’ hǫ: heyenagre’ sęh ohwęjageh wa’ne:’.

Ęsihsa:k Gawęnǫdahgǫ̱hsǫ’

17,000 nigawęna:ge: godi:yę’ GKS ne:’ Dewa’ganha’geha’ Gayogo̱ho:nǫ’ gawęnǫdahgoh hni’. Ǫgwehǫ:weh, hadihnyǫ’ǫh hni’ atgaewęnadeni’ gwegoh nę:gyęh owęnashǫ:’ǫh. Ęstahsawę’ a:sekdǫ:’ nę: ǫgwehǫweka:’ gawęnǫ:’ wa’ne:’.

Sanakde̱hsrǫ:nih

GRASAC ęwadǫ’ a:se̱hsęnoni’ hodę’ sihsa:s, da: gisęh dęsanya’gwęhęgye:’ hodę’ na:yagwagye:’, ne:’ hni’ ha’deyoihwage ęwa:dǫ’ hętsahsǫdrę’ ne:’ GKS.

Dasgwadwęnǫda:s

A:sgwayahǫ:dǫ: gyęgwa’ ise: hętsahsodrę’ sga̱ho’dę’ęh ne’ GKS, ne’ gisęh saihwayę’, da: gisęh trehs hwę:do:’ a:sehs ne:’ GKS.